Esta mañá, a empresa Publinor-o, de reparto domiciliario, comezou a entrega nos buzóns lucenses dos 30.000 exemplares do xornal da 42ª Semana de Cine de Lugo, que se iniciará o vindeiro día 23.

Neste xornal recóllese información sobre todas as películas, curtas e longametraxes,que se proxectarán na Semana, así como sobre as actividades complementarias que con este motivo van ter lugar.

Espérase que o buzoneo estea rematado mañá xoves. A tirada efectuada foi de 35.000 exemplares, que así mesmo serán distribuídos aos asistentes ás proxeccións nas diversas salas de exhibición.