Guitiriz ten na XLIII Semana de Cine de Lugo unha sección na que estará dous dos traballos audiovisuais máis recentes sobre este concello.

"Entrar aos vilares" o filme documental dirixido por Cibrán Tenreiro e que pertence ao proxecto Lareira de soños e o documental "Cine Tomé, unha raiolada en Guitiriz", creado por Kamy Iglesias e Xosé Antonio Arias, proxectaranse o vindeiro xoves 23 de setembro ás 20:00 no salón de actos da Deputación Provincial dentro da XLIII Semana de Cine de Lugo nunha sección do prestixioso certame adicada a Guitiriz. Ambas películas foron promovidas dende entidades culturais do concello, a primeira dende a asociación de Os Vilares e a do Cine Tomé dende a A.C. Xermolos e as dúas tentan recuperar anacos da historia recente, a primeira dende unha perspectiva etnográfica (Entrar aos Vilares) e a outra dende a lembranza viva dun pasado aínda presente (Cine Tomé). "Entrar aos Vilares" proxectouse en máis de setenta lugares de Galicia e foi finalista na #12MICE Mostra Internacional de Cinema Etnográfico e está editada en DVD co libro Lareira de soños de Pastora Veres.

"Cine Tomé, unha raiolada en Guitiriz" estreouse no XLI Festival de Pardiñas o pasado ano.
Os dous filmes fan protagonistas ás xentes do lugar como narradores da súas propias vivencias, construtores e construtoras da historia dun pobo.

Guitiriz ten hoxe protagonismo na 'Semana de Cine de Lugo' amosando dous traballos audiovisuais produto do seu dinamismo asociativo e cultural.

Nas proxeccións estarán participarán os equipos de realización das películas para un coloquio co público.