A semana pasada comezaron a distribuirse entre os comercios da capital lucense 1.500 exemplares do cartel anunciador da XLII Semana de Cine de Lugo, que se vai celebrar do 23 ao 28 do presente mes de novembro.

En numerosos escaparates e portas de acceso de establecementos comerciais pode xa contemplarse o cartel anunciador desta cita anual co cine, obra de Eduardo Ochoa, responsable de fotografía do Grupo Fotocinematográfico Fonmiñá.

A Semana de Cine vai ser presentada oficialmente o próximo venres, día 13 de novembro, ás 12:30 h, na Deputación Provincial de Lugo.