O Grupo Fotocinematográfico Fonmiñá felicita calorosamente a Tomás Paniagua Ayesa, o noso primeiro Presidente, por superar o especial rubicón dos cen anos en plenitude de facultades.

Na web de Fonmiñá lembramos que O Grupo “nace en Lugo a mediados dos anos setenta polas inquedanzas duns mozos devotos do mundo da imaxe”. Á fronte daquel grupo de mozos estaba Tomás Paniagua, serio e sorrinte, elegante e cercano, devoto do cine, da música e da cultura. Tomás guiou a aquel grupo de mozos na creación de Fonmiñá, nos primeiros pasos, ensinounos a camiñar, organizou a primeira Semana de Cine... E agora, nós como colectivo estamos camiño de cumprir medio século, e el chega á feliz celebración tan rotunda dos 100 anos.

Parabéns, benquerido Tomás, grande na nosa historia fotocinematográfica e grande, imprescindible, na vida de Lugo.

Xulio Xiz
Presidente do Grupo Fonmiñá