Mañá, venres, ás 12:00 h., diante do edificio da Deputación Provincial, na rúa San Marcos, será inaugurada a exposición MEMORIA FONMIÑÁ, e presentado o libro do mesmo título, de Eduardo Ochoa.

Na mostra e no libro recóllense datos e fotografías de 34 fotógrafos lucenses, membros da Agrupación Fotográfica Lucense e de Fonmiñá, aos que con motivo da XLIII Semana de Cine de Lugo se lles rende homenaxe recollendo imaxes especialmente expresivas da súa obra.

A inauguración da mostra e a presentación do libro faranse ao aire libre, onde a mostra quedará instalada ata o remate da Semana de Cine.